 რუხი ფერის უცხოპლანეტელი უცხოპლანეტელი — კულტურული ფენომენი, არამიწიერი ცივილიზაციის წარმომადგენელი. ადამიანთა კულტურაში უცხოპლანეტელი ხშირად წარმოდგენილია ჰუმანოიდური ტიპის არსების სახით. ჩამოყალიბდა მისი ერთგვარი სახე, რომელიც ხშირად ასოცირდება მწვანე ან რუხი ფერის ადამიანის მსგავს არსებასთან, რომელსაც არ აქვს თმები, აქვს დიდი თავი, დიდი თვალები და გრძელი ხელები. ხშირად აღწერილია, როგორც არსება გარკვეული სქესობრივი ნიშნების გარეშე. ადამიანთა წარმოდგენით უცხოპლანეტელები არიან ისეთი ცივილიზაციის წარმომადგენლები, რომელის ადამიანებს ტექნოლოგიური განვითარების მასშტაბებით წინ უსწრებს. ამ წარმოდგენებით, უცხოპლანეტელები არიან კოსმოსური მოგზაურები ან რომელიმე პლანეტის მაცხოვრებლები, რომლებიც დაფრინავენ კოსმოსური ხომალდებით, იტაცებენ ხალხს ან ადამიანებთან კონტაქტში შედიან.
|
